Хтосьці шукае
падмурак ад хаты —
Рэшткаў былога
на хатнішчы — жмені.
Ціха, нібыта ў вушах
поўна ваты —
Час зруйнаваў і
падмуркаў каменне.
Ў Дворышчы
І на Псігурцы,
Ў Акопах,
І ў Рубяжы —
Час былым скупа пляміць.
Час, як знішчальнік,
шалёна галопіў,
Хатнішчы што!
Зруйнаваў нават памяць.
Зноў дзе-нідзе
натыкнешся у лесе
На камяніцы
падмуркаў астылых.
Часам нашчадкі
раскіданы недзе,
Продкі пакояцца
недзе ў магілах.