Лепей складанасці —
з верхам, з гакам,
Лепей змаганні —
праз крык, праз боль.
Толькі ні ціша жыцця —
ні вакуум,
Толькі б не злегчы
пляваць у столь.
Толькі ні утаймаванасць
ні сытасць,
Сон і няўрымслівасць —
два берагі.
Сытасць забрудзіць сабой
самабытнасць,
Млявасць, гультайства —
затлусціць мазгі.
Непрадказальнасць падзей,
няроўнасць —
Ўзлёты, няўдачы,
падзенне, уздым —
Пэўна, у гэтым
жыцця каштоўнасць,
А неласкавасць жыцця —
ні па чым.