БЕЛАРУСКАЯ ПАЛІЧКА

Сяргей Давідовіч

Жыцця палітра

Жыцця палітра —

лёсы, дні, гады,

Якія час ці зрыне,

ці узвежыць.

Нікчэмнае —

знікае назаўжды,

Адметнае —

гісторыі належыць.

І кожнаму праз

лёсу калаўрот

Пранесці крыж

уласны даведзецца.

Рака падзей цячэ —

за годам год,

За векам век

у летапіс кладзецца.

1990-2000

---

Тэкст падаецца паводле выдання: Давідовіч, С.Ф. Збор твораў. У 5 т. Т. 1. Вершы. Гумарэскі / Сяргей Давідовіч. - Мінск: Беларускі рэспубліканскі літаратурны фонд, 2016. - 688 с.