Улады горада запэўнілі ўсіх нас:
Каб Новы год стаў больш запамінальным,
Жывая елка будзе гэты раз
Стаяць на плошчы гарадской цэнтральнай.
І гараджане ўголас — ох ды ах!
Які зялёны цуд — не надзівіцца!
Гэта ж не нейкі там жалезны гмах,
А прыгажуня з лесу — водар, пах,
З якой сцякае, як сляза, жывіца.
Вакол яе — жывы, святочны люд,
Здароў’я і жыцця сабе жадае.
Жывая елка — навагодні цуд,
Але, на жаль, яна ўжо не жывая.