Куды ні палячу, а думкамі вярнуся
У родны мой Лагойск, да роднае зямлі.
Лагойшчына мая — часцінка Беларусі,
Мы шмат прайшлі і шмат перамаглі!
Былі гады вайны і сонечныя святы —
І подзвігаў, і ран ніколі не злічыць.
Тут песні партызан, тут калыханка маці,
Тут мова беларуская гучыць.
Лагойская зямля пяшчотна сэрца грэе,
Лагойская зямля — мой лёс на ўсе часы.
Жыве Лагойскі край, пакуль жыве надзея,
Пакуль шумяць над полем каласы!
Лагойск!
Лагойск!
Лагойшчыны сталіца!
Ідуць, гудуць падзеі і вякі.
І праз гады цячэ жыцця крыніца,
І родная зямля на ўсе бакі!