epub
 
падключыць
слоўнікі

Сяргей Ясенін

Б’ецца ў вокны месяц, а пад вокны — вецер...

Б’ецца ў вокны месяц, а пад вокны — вецер.

Голая таполя стылым срэбрам свеціць.

 

Недзе плач тальянкі, голас адзінокі —

А такі ён блізкі, а такі далёкі.

 

Плача і смяецца песня віхравая.

Дае ты, мая ліпа? Ліпа векавая?

 

Ці ж не сам калісьці днём святочным зранку

Я ішоў да любай, развінаў тальянку.

 

Анічога любай я цяпер не значу.

Пад чужую песню сумным смехам плачу.

 

1925



Пераклад: Рыгор Барадулін
Тэкст падаецца паводле выдання: Ясенін, С. А. Выбранае : Вершы і паэмы / Прадм. Р.Бярозкіна; Пер. Р.Барадулін, А.Куляшоў. - Мн. : Маст.літ., 1976. - 207с.