epub
 
Падключыць
слоўнікі

Сяргей Ясенін

Чуеш — сані гоняць, чуеш — сані гоняць...

Чуеш — сані гоняць, чуеш — сані гоняць.

З любаю згубіцца вольна ў белых гонях.

 

А вятрэц вясёлы з бояззю раўнівай,

Коціцца званочак голаю раўнінай.

 

Эх вы, сані, сані! Конь ты мой буланы!

Недзе на паляне клён ад скокаў п’яны.

 

Запытаць пад’едзем — гэта што такое?

І заскачам разам пад тальянку трое.

 

1925



Пераклад: Рыгор Барадулін

Беларуская Палічка: http://knihi.com