epub
 
Падключыць
слоўнікі

Сяргей Ясенін

Капітан зямлі

Яшчэ ніхто

Не кіраваў планетай,

І не спяваў

Нікому гімнаў я.

Ды толькі ён

Узняў руку над светам,

Сказаўшы: «Свет —

Адзіная сям’я».

 

Я не захоплеп

Гімнамі герою,

Не трапячу

Крывяправодам жыл,

Але шчаслівы,

Што глухой парою

Адным пачуццем з ім

І дыхаў я,

І жыў.

 

Не толькі нам,

Якім усё так блізка,

А стала зразумела

Ўсім жывым,

Што сціплы хлопчык

З горада Сімбірска

Стаў у сваёй Краіне

Рулявым.

 

Між гулу хваляў

У сваёй расчыстцы,

Увесь дабра

Суровага парыў,

Ён многа мысліў

Па-марксісцкі,

Зусім па-ленінскі

Тварыў.



Пераклад: Сяргей Грахоўскі

Беларуская Палічка: http://knihi.com