epub
 
Падключыць
слоўнікі

Сяргей Ясенін

Следу не знайсці ў кустах барвяных...

Следу не знайсці ў кустах барвяных

І не мяць ніколі лебяды,

Ты з раскошай валасоў аўсяных

Выснілася мне на ўсе гады.

 

Шчок румянец. Ты, нібы мадонна.

Мілая, прыгожая, была

На ружовы захад ты падобна,

І як зорны снег, ты са святла.

 

Зерні воч апалі і завялі,

І растала імя, нібы гук.

Ды застаўся ў складках змятай шалі

Водар мёду ад цнатлівых рук.

 

Як зара на даху заначуе,

Быццам коцік мые лапкай рот,

Пра цябе лагодны голас чую

Вадзяных сугучных з ветрам сот.

 

Хай парой мне шэпча сіні вечар,

Што была ты марай, дзівам з дзіў.

Нехта выдумаў твой гібкі стан і плечы —

Вусны к светлай тайне прытуліў.

 

Следу не знайсці ў кустах барвяных

І не мяць ніколі лебяды.

Ты з раскошай валасоў аўсяных

Выснілася мне на ўсе гады.



Пераклад: Юрась Свірка

Беларуская Палічка: http://knihi.com