epub
 
Падключыць
слоўнікі

Сяргей Ясенін

Сыпле чаромха ўкруг снегам...

Сыпле чаромха ўкруг снегам,

Зелень у кветках, расе.

Рунь захапіўшы набегам,

Ходзяць гракі ў паласе.

 

Гнуцца шаўковыя травы,

Пахне смалістай сасной.

Ой ты луг, дуб кучаравы, —

Я адурманен вясной!..

 

Сып жа, чаромха, мне снегам,

Птушкі, ўслаўляйце красу.

Я разухабістым бегам

Пенаю цвет разнясу.

 

1910



Пераклад: Пятро Бітэль

Беларуская Палічка: http://knihi.com