epub
 
Падключыць
слоўнікі

Сяргей Ясенін

Вечар бровы нахмарыў у злосці...

Вечар бровы нахмарыў у злосці.

Што за коні стаяць у журбе?

Ці не ўчора прапіў маладосць я?

Разлюбіў ці не ўчора цябе?

 

Не храпі, запазнелая тройка!

Праляцела жыццё. Дзе сляды?

Можа, заўтра бальнічная койка

Супакоіць мяне назаўжды.

 

Можа, заўтра зусім шчаслівы

Я пайду, акрыяўшы навек,

Слухаць песні чарэмхаў і ліўняў,

Чым здаровы жыве чалавек.

 

І забуду я змрочныя сілы,

Што вымервалі мне труну.

Воблік з ласкі ўвесь! Воблік мілы!

Я цябе не забуду адну.

 

Хай любіць буду я другую,

Ды і з ёю, з любай, з другой,

Раскажу пра цябе, дарагую,

Што я некалі зваў дарагой.

 

Як ляцела вясна былая,

Раскажу, хоць былой не была.

Галава ж ты мая віхравая.

Да чаго ж ты мяне давяла?



Пераклад: Рыгор Барадулін

Беларуская Палічка: http://knihi.com