epub
падключыць
слоўнікі
Націскайце на
словы ў тэксце
"Ціхая, любімая затока..."
Ціхая, любімая затока
У праменнях свеціцца, як ртуць...
І далёка па вадзе, далёка
Мары тут дзявочыя плывуць.
Ветрык сціх, заснуўшы сном глыбокім,
Задрамалі вербы, сітнягі...
Ціхая, цудоўная затока —
Кут любімы, сэрцу дарагі.
1979?
Тэкст падаецца паводле выдання: Блатун С. Чысціня: лірыка, гумар, пераклады [Для ст. школ. узросту]/ Прадм. Р.Барадуліна.- Мн.: Маст. літ., 1979. - с. 121
Крыніца: скан