epub
падключыць
слоўнікі
Націскайце на
словы ў тэксце
"Галава, як ссівелы палын..."
Галава, як ссівелы палын,
Што гаркава расце на ўзбярэжжы...
Ты мне памяць, палын, пакінь —
Як нажом, мяне памяць рэжа.
Бо хачу я падслухаць біццё
Чалавечага мудрага сэрца...
З палыном мы ідзём ў небыццё,
З палыном пачынаем бяссмерце.
1979?
Тэкст падаецца паводле выдання: Блатун С. Чысціня: лірыка, гумар, пераклады [Для ст. школ. узросту]/ Прадм. Р.Барадуліна.- Мн.: Маст. літ., 1979. - с. 159
Крыніца: скан