Людзі, я любіў вас,
будзьце пільнымі...
Ю. Фучык
Іржой пакрытыя цяжкія краты,
Турэмны холад накрывае грудзі,
А ён пісаў, забыўшыся пра катаў:
«Я любіў вас, людзі...»
Не задрыжэла сэрца камуніста
У міг апошні (болей жыць не будзеш!),
Пагляд адкрыты страпянуў фашыстаў —
«Я любіў вас, людзі...».
Ды толькі каты слоў не расстралялі,
Яны звіняць у шматмільённым гудзе,
Адлітыя з крыві — пярвейшай сталі:
«Я люблю вас, людзі!»