БЕЛАРУСКАЯ ПАЛІЧКА

Сымон Блатун

Ластаўкі

Праляцелі

гаманкой чародкай

З песняю трывожнай,

песняй шчырай;

Іх прыпынак тут,

як дзень, кароткі,

Шлях нялёгкі у далёкі вырай.

Абляпілі правады прыветна

І застылі

у задуме строгай,

Быццам вераць

і яны ў прыкмету —

Моўчкі пасядзець

перад дарогай.

1957?

---

Тэкст падаецца паводле выдання: Блатун С. Чысціня: лірыка, гумар, пераклады [Для ст. школ. узросту]/ Прадм. Р.Барадуліна.- Мн.: Маст. літ., 1979. - с. 85
Крыніца: скан