epub
падключыць
слоўнікі
Націскайце на
словы ў тэксце
"Мае вянкі сплылі па крутаверці..."
Мае вянкі сплылі па крутаверці,
З буруннаю вадой сплылі.
Русалкі таямнічыя іх дзесьці
У косы свае пышныя ўплялі.
Русалак многа, яны рознай масці,
А я сваёй ніяк вось не знайду...
Вянок кідаў Купаллем я на шчасце,
Ды незнарок наклікаў злыбяду.
1979?
Тэкст падаецца паводле выдання: Блатун С. Чысціня: лірыка, гумар, пераклады [Для ст. школ. узросту]/ Прадм. Р.Барадуліна.- Мн.: Маст. літ., 1979. - с. 148
Крыніца: скан