epub
падключыць
слоўнікі
Націскайце на
словы ў тэксце
"Не бывае сонечнага дажджу..."
Не бывае сонечнага дажджу,
Пот салёны бывае...
Па палескай зямлі я хаджу.
З нетраў
слова сваё здабываю.
Чым глыбей —
тым слова глыбей,
Чым цяжэй —
тым слова мажней.
Толькі праца мая
мала спорыцца —
Я зайздрошчу ўсё ж
салігорцам.
1979?
Тэкст падаецца паводле выдання: Блатун С. Чысціня: лірыка, гумар, пераклады [Для ст. школ. узросту]/ Прадм. Р.Барадуліна.- Мн.: Маст. літ., 1979. - с. 141
Крыніца: скан