Як толькі мы прыйдзем у школу
І дзверы адчынім у клас,
З партрэта з усмешкай вясёлай
Ільіч пазірае на нас.
Іскрацца ягоныя вочы,
Калі атрымае хто «пяць»,
А сам ён — як быццам бы хоча
«Выдатна, рабяты!» сказаць.
У кожны загляне ён дзённік.
І кожны пачуе адказ.
У школе, ў паходах штодзённа
Ільіч дарагі сярод нас.
Вядзе ён і сёння народы
Да радаснай мэты ў жыцці.
Клянёмся, што будзем заўсёды
Мы ленінскім шляхам ісці!