Няма шырэй,
чым рамень салдацкі,
Няма тужэй,
чым рамень салдацкі.
Ён сурова сцягвае пояс салдацкі.
І ўсё роўна:
— Убраць жывот! —
Старшына загадвае
І два пальцы пад рамень прасоўвае...
Няма мацней,
чым рамень салдацкі,
Няма ярчэй,
чым рамень салдацкі,—
На шынялі і на гімнасцёрцы
Ярка свеціцца спражка зоркаю,
І каб заўжды
яна ззяла золатам,
Салдат чысціць яе
асідолам...
Найшырэйшы рамень — салдацкі,
Найтужэйшы рамень — салдацкі,
Наймацнейшы рамень — салдацкі,
Найярчэйшы рамень — салдацкі.