БЕЛАРУСКАЯ ПАЛІЧКА

Сымон Блатун

"У снезе куляюцца..."

У снезе куляюцца

снегіры,

Быццам выскачылі

з лазні...

Сонца,

нібыта ў сне,

гарыць,

Вераб’і

пад застрэшша залазяць.

У снегіроў —

сваё белае свята!

Хто іх агонь патушыць?

Цікуе з-пад плота

кот вусаты

З думкаю аб сваёй

жар-птушцы.

1967?

---

Тэкст падаецца паводле выдання: Блатун С. Чысціня: лірыка, гумар, пераклады [Для ст. школ. узросту]/ Прадм. Р.Барадуліна.- Мн.: Маст. літ., 1979. - с. 51
Крыніца: скан