БЕЛАРУСКАЯ ПАЛІЧКА

Уладзімір Караткевіч

«Абяцаюць нам новы раскошны дом...»

Абяцаюць нам новы раскошны дом,

Але тут нам жыць і канаць,

Тут пад кожным навекі здабытым бугром

Нашы продкі забітыя спяць.

 

Яны аддалі нам меч і касу,

Слова з вуснаў, цяпер нямых...

І нам немагчыма пайсці адсюль

І пакінуць са смерцю іх.

 

1979?

---

Тэкст падаецца паводле выдання: Караткевіч У. Збор твораў: У 8 т. Т. 1. Вершы, паэмы / [Аўт. прадм. В.Быкаў].-Мн.: Маст. літ., 1987.-431 с., 4 л. іл.
Крыніца: скан
Падрыхтавана: Hlot