БЕЛАРУСКАЯ ПАЛІЧКА

Уладзімір Караткевіч

"І зашумяць асіны над ракою..."

І зашумяць асіны над ракою,

І будуць светлымі улетку дні,

І зацвітуць на скалах над вадою

Спакойныя купальскія агні.

 

Як знак таго, што ўсё мінае ў свеце,

Сарве іх шэрань прагнаю рукой,

І толькі ты адна ва ўсім сусвеце

Навекі застанешся маладой.

 

1954 г.

1954

---

Тэкст падаецца паводле выдання: Караткевіч У. Збор твораў: У 8 т. Т. 1. Вершы, паэмы / [Аўт. прадм. В.Быкаў].- Мн.: Маст. літ., 1987.- 431 с., 4 л. іл.
Крыніца: скан