epub
 
Падключыць
слоўнікі

Уладзімір Караткевіч

"Калі агорне цемра неба..."

Калі агорне цемра неба

І я зямны пакіну дом,

Я стану каменем ці хлебам,

Травой ці срэбным матылём.

Травой — каб ты ў сваім уборы

Прайшла па мне да добрых сёл,

А матылём — для ночы гора,

Калі жывых няма вакол.

А хлебам жоўтым, як жывіца,

Каб быць табе як мірны дар,

А каменем, каб адкаціцца

З дарог...

Ад ног тваіх...

У яр.


10.03.1962

Тэкст падаецца паводле выдання: невядомае
Крыніца: невядомая

Беларуская Палічка: https://knihi.com