epub
 
Падключыць
слоўнікі

Уладзімір Караткевіч

Нараджэнне Венеры

За вокнамі дзень дагарае,

Знікае агнёў ракой.

І ты з карціны сплываеш

У змрочны, ціхі пакой.

Чужая, зусім чужая,

Ніколі не будзеш маёй.

Вочы твае і цела

Стварыў калісь Бацічэлі

Шмат стагоддзяў таму

На муку маю,

На муку.

На вечную ў сэрцы зіму.

 

[1957 г. ?]


1957?

Тэкст падаецца паводле выдання: Караткевіч У. Збор твораў: У 8 т. Т. 1. Вершы, паэмы / [Аўт. прадм. В.Быкаў].- Мн.: Маст. літ., 1987.- 431 с., 4 л. іл.
Крыніца: скан

Беларуская Палічка: https://knihi.com