epub
 
Падключыць
слоўнікі

Уладзімір Караткевіч

"Радок бяззбройны і бясспрэчны..."

Радок бяззбройны і бясспрэчны

Слабым — адзіна верны шчыт.

І не знікаць Паэтам вечна,

У вечнай Песні жывучы.

 

Калі пайду з юдолі гора,

Не скончыўшы найлепшы сказ,

То божы свет мяне паўторыць,

Як паўтараў ужо не раз.

 

Як моры, зоры і азёры,

Якія ў вечнасць забяру.

 

Свет шчодры.

Свет мяне паўторыць...

 

Ну, а не свет,

дык Беларусь.—

Мне — досыць...


24.09.1979

Тэкст падаецца паводле выдання: Караткевіч У. Збор твораў: У 8 т. Т. 1. Вершы, паэмы / [Аўт. прадм. В.Быкаў].-Мн.: Маст. літ., 1987.-431 с., 4 л. іл.
Крыніца: скан

Беларуская Палічка: https://knihi.com