БЕЛАРУСКАЯ ПАЛІЧКА

Уладзімір Караткевіч

Тагасветнае

Сом вытрэшчвае глядзелкі сонныя:

Ў Верхнім Царстве Смерці, па Той Бок,

У чаўне пад ветразем чырвоным

Праплывае невядомы бог.

 

Сом, не спадзявайся ты на бога,

Хай сабе ў яго і пара ног.

Бог і сам не ведае нічога,

Бог і сам на ростанях дарог.

1964?

---

Тэкст падаецца паводле выдання: Караткевіч У. Збор твораў: У 8 т. Т. 1. Вершы, паэмы / [Аўт. прадм. В.Быкаў].-Мн.: Маст. літ., 1987.-431 с., 4 л. іл.
Крыніца: скан