БЕЛАРУСКАЯ ПАЛІЧКА

Уладзімір Караткевіч

"У дняпроўскіх хвалях, бы ў калысцы..."

У дняпроўскіх хвалях, бы ў калысцы,

Разгайдалася хмурынак бель,

І спявае пад тугім вятрыскам

Лугавы вясёлы жаўтазель.

Ўсе шляхі прыводзяць не да Рыма,

А да родных вербаў і бяроз.

Любая, ў барах сівых радзіма,

Сын твой нарадзіўся тут і ўзрос.

1954-1957?

---

Тэкст падаецца паводле выдання: Караткевіч У. Збор твораў: У 8 т. Т. 1. Вершы, паэмы / [Аўт. прадм. В.Быкаў].- Мн.: Маст. літ., 1987.- 431 с., 4 л. іл.
Крыніца: скан