epub
 
падключыць
слоўнікі

Уладзімір Караткевіч

Вадаспад Учан-су

Як страшная з нябёс пагрозных кара...

Як звоны срэбных крылаў у агні...

Як быццам сотні, тысячы Ікараў

З пачатку дзён... З зеніту... Аб граніт.

Якая веліч, сіла і... журбота!

Як добра, ўзняўшы дымны, зорны смерч,

Ў імгненне найвышэйшага узлёту

У лікаванні раптам стрэнуць смерць.


сакавік 1968; 05.10.1968

Тэкст падаецца паводле выдання: невядомае
Крыніца: невядомая