Развінайцеся ў маршы!
Слоўнай не месца абразе.
Ціха, прамоўцы!
Ваша
Слова,
Таварыш Маўзер.
Досыць жыць законам, —
Спадчынай Адама і Евы.
Клячу гісторыі загонім,
Левай!
Левай!
Левай!
Гэй, сінеблузыя, ўзвейце
Шырай
Узлёту
Крыллі!
Ці ж броненосцаў на рэйдзе
Ступлены вострыя кілі?!
Хай шчэрыць
Кароны зубы,
Ўзнімае брытанскі леў вой.
Комуне не быць у загубе.
Левай!
Левай!
Левай!
Там,
За гарамі гора,
Сонечны край шырокі.
За голад,
За мору мора
Кроч мільённым крокам.
Хай бандай абкружаць нанятай,
І льюцца сталёваю леевай, —
Расіі не быць пад Антантай.
Левай!
Левай!
Левай!
Ці ж змеркне вока орляе?
Ці ж нам да старога схіляцца?
Бярыце
Сусвет за горла,
Пролетарыята пальцы!
Грудзі наперад бравыя!
Сцягамі неба абклейвай!
Хто там закрочыў правай?
Левай!
Левай!
Левай!