Час, беларусы, ужо час: —
Маці-краіна нас кліча.
Устанем дружна, ураз —
Сіл нашых вораг не зліча.
Рушыма ў бой
Усёй грамадой —
За люд працоўны,
За волю і роўнасць!
Грозны надходзіць мамэнт,
Бой пачынаем рашучы:
Скрышым старое ўшчэнт,
К волі змагарна ідучы.
Рушыма ў бой
Усёй грамадой —
За люд працоўны,
За волю і роўнасць!
У песнях бязумерж таім;
Вецер штандарамі вее.
Прысягу складаема ім
Родных не здрадзіць надзеі.
Рушыма ў бой
Усёй грамадой —
За люд працоўны,
За волю і роўнасць!
Бурны нас радуе дзень,
Кліч агалошвае полі,
Сонца вітайце прамень,
Праўды мужыцкай і волі.
Рушыма ў бой
Усёй грамадой —
За люд працоўны,
За волю і роўнасць!
Дужая моц грамада
І перамозе зарука,
Больш нас не церніць бяда,
Годзе напасцяў прынукаў!
Рушыма ў бой
Усёй грамадой —
За люд працоўны,
За волю і роўнасць!
Край абаронім грудзьмі
Ад панавання палацаў.
Вольнай, працоўнай сям’і
Успор красаваціме праца!
Рушыма ў бой
Усёй грамадой —
За люд працоўны,
За волю і роўнасць!