БЕЛАРУСКАЯ ПАЛІЧКА

Васіль Гадулька

«Памяць сэрца — крыніца пакут невычэрпных...»

Памяць сэрца — крыніца пакут невычэрпных,

успамінаў аб страчаным шчасці нясцерпных.

 

Зыркай восеньскай знічкай ты цемру рассекла —

каб аслеплае сэрца зноў кінуць у пекла.

 

Працінае душу крыўд атрутнае джала,

і шкада зыркай знічкі, што ў цемры прапала...

1986-1993

---

Тэкст падаецца паводле выдання: Гадулька В. Голас: Зборнік / Васіль Гадулька; уклад. Л.М. Галубовіча.- Мн.: Лит. и Искусство, 2004. - 128 с., іл.
Крыніца: скан