Маці пералічыла паперкі ад шакаладак:
— Неверагодна! Дзе ты столькі грошай узяў?
— Я не ўзяў. Гэта малюнкі. У Казіка былі.
— Нічога не разумею. Ты прадаў хвораст. А на грошы што? Купіў гэтыя карцінкі?
— Так.
Маці засмяялася.
— Табе яны падабаюцца?
— Ой, мама! — узрадаваўся Рома. — Калі б ты іх бачыла на сонцы! Пойдзем пакажу.
— Праз іх ты два дні быў галодны!
— Ды не... — Рома не дагаварыў. — Мам! Калі б з такіх малюнкаў рабілі грошы!
— Тады ўсе дзеці, накшталт цябе, напэўна былі б галодныя.
— Чаму? — не згадзіўся Рома, — А калі грошы рабіць разам з шакаладкамі?..
1972