epub
 
Падключыць
слоўнікі

Візма Бэлшавіца

Чаканьне песьні

бо вясна настае тады

калі рыжыя жабы ў канавах

сядзяць і чакаюць кагосьці

і вада серабрыцца сонцам

шарыньнік янтарны палошча

і з пасушы зелень свіціцца

і жабы чакаюць

вялікай гадзіны сьпяваньня

калі завіруе ад шчасьця

вада і запеніць канавы

жабінымі песьнямі

а толькі далёка яшчэ

а толькі глыбока па горла

і рыжыя жабы ў канавах

залацістыя вочы лупяць

на сонейка залатое

чакаючы песьні

 



Пераклад: Васіль Сёмуха

Беларуская Палічка: http://knihi.com