epub
 
Падключыць
слоўнікі

Візма Бэлшавіца

Хвоя з голым карэньнем

Хвоя ці дзюна чым вінавата,

Што асыпаецца з кораня глеба?

Корань слабы – ці ня рана і шатам

Гоніста гнацца ў высокае неба?

Трэба ў глыбіні?

Доляю клятай

Голая ганьба наканавана.

Ты за аснову ўчапіцца ня можаш,

Рост не пачнеш болей нанава.

Жыць над прорвай? Крый божа! –

Гэта жахліва.

На дыбачках пнуцца

У непазбыўнай тузе па апоры

Моцнай камлю…

З сорамам гнуцца

І чырванець, прасьціраючы ўгору

Рукі вячэрняй зары шчасьліва.

Што ж я бядую? Даволі! – Над морам

Сутнасьць твая і краса – як дзіва!

 



Пераклад: Васіль Сёмуха

Беларуская Палічка: http://knihi.com