Кавалер ты, кавалер,
Дзевак не палохай.
Пакамечаны каўнер,
Гальштук, як панчоха.
Памяло — не галава.
Чуб даўгавалосы.
Не стрыжэцца год ці два,
Заплятай хоць косы.
На даклад у клуб не йдзе,
Як другія хлопцы.
Бо ў Параскі цэлы дзень
Мокне ў самагонцы.
Як набраўся тут, дзівак,
Ну і дагуляўся.
Моцна рэзнуўся ў шуляк,
Ледзь жывым астаўся.
Стаў тады як чорны дзень,
Невясёлы, хмуры.
Бег дамоў ён праз ячмень —
Паўцякалі куры.