Смех з яго, дый годзе,
Кінуў жонку, дзеці.
Валацугай ходзіць.
Блукае па свеце.
На лаўца такога
Жартаў, кпінаў хопіць:
— Вунь пайшоў дарогай
Ні ўдавец, ні хлопец!
— Сын цябе гукае,
Каб прыйшоў у госці!
— Кажуць, і другая
Не ўжылася штосьці...
Зноў рашыў жаніцца
Ды пайшоў у сваты,
Дзеўка казырыцца:
— Адыдзі, жанаты!
Да ўдавы прыбіўся
На бліны і сала.
Мала пажывіўся —
Ласуна пагнала.
Справы вось такія:
Дуру вельмі многа.
Цёткі кажуць: — Кіем
Ажаніць такога!