Яська — добры брыгадзір,
Залаты,
Шаўковы:
На работу не пайдзі,—
Ён не скажа слова.
Не дае нам у каршэнь.
А калі хто выйшаў,
Прасланяўся ў полі дзень —
Тры таму запіша.
Яська — добры, ён — душа.
Стог прадаўшы ў лузе,
Кажа хлопцам: —
Ціха... ша...
З вамі падзялюся.
Сеяў Яська лубін, лён —
Узышло ўсё рэдка.
Сеяў віку,
Грэчку ён —
Вырасла свірэпка.
Незвычайны ураджай,
Хто ні гляне — дзіва:
У пшаніцы — малачай,
А ў ільне — крапіва.
Мы крапівы той нажнём,
Звяжам у букеты,
Брыгадзіру паднясём
Падарунак гэты.