Як дырэктарам ён стаў,
Шыльду, плот пафарбаваў.
Паглядзіце, кажа, цуд!
Школа нібы інстытут.
Зазірні ж у педпрацэс —
Там, як кажуць, цёмны лес...
Глянь на школьны агарод —
Там палын вышэй за плот.
* * *
Строгі завуч стаў Таран —
Патрабуе заўжды план,
А без плана ні на крок
Не дапусціць на урок.
Раз загадчык райана
План спытаў у Тарана.
Апусціўшы нізка нос,
Кажа ціха: — Не пры... нёс...
* * *
Расхваліўся неяк хлус,
Кажа: скончыў я педвуз,
Але нам даўно вядома,
Што не мае ён дыплома.
* * *
Ён з начальствам — панібрат,
Дык узяў нагрузкі шмат,
Так працуе цэлы год,
Як мядзведзь гародзіць плот.
* * *
З намі Клаўдзія Раса,
Як пякучая аса,
А з дырэктарам Раса
Проста — мілая ліса.
* * *
Ён вядзе літаратуру,
Ён вядзе і фізкультуру,
Нават фізік, хімік ён
І, нарэшце,— пустазвон.