epub
 
Падключыць
слоўнікі

Невядомы айчынны аўтар

Лета цёплае мінае

З польскай

 

Лета цёплае мінае

З сваім сонцам, з сваёй сушай

Толькі ў садзе на галінах

Спеюць яблыкі ды йгрушы.

 

З назублёнымі сярпамі

Шчыра ў полі гнуцца жнеі;

Селянін збірае збожжа

Ды зноў зерне сее, сее.

 

Во і скончана ўсё жніва,

Ўжо дабро ўсё пад страхою,—

Ажно міла паглядзеці

На багацце на такое!

 

1924


1924

Пераклад: Янка Купала
Тэкст падаецца паводле выдання: Янка Купала. Поўны збор твораў. У 9 т. - Т. 4. Вершы, пераклады 1915 -1929. - Мн.: Маст. літ., 1997. - 446 с., [4] л. іл.
Крыніца: скан

Беларуская Палічка: http://knihi.com