Калібан нявольнік
навучаны людзкай мове
чакае
пысак у гнаі
ногі ў раі
абнюхвае чалавека
чакае
нічога прыходзіць
нічога ў чарадзейскім плашчы
Праспэра
нічога з вуліц і вуснаў
з амбонаў і вежаў
нічога з рэпрадуктараў
трансьлюе да нічога
пра нічога
нічога плодзіць нічога
нічога гадуе нічога
нічога чакае нічога
нічога пагражае
нічога карае
нічога літуе
Пераклаў з польскай Васіль Сёмуха