№7
зьмест

сэмінары
пэрсаналіі
бібліятэка
спасылкі
рэдакцыя
сувязь

ФІЛЯЗОФІЯ І КРЫТЫЧНАЕ МЫСЬЛЕНЬНЕ

Часопіс “Фрагмэнты” рыхтуе свой 7 выпуск з тэмай “Беларусь: крытычнае мысьленьне”. Мы хацелі б закрануць у гэтым нумары шэраг праблемаў, зьвязаных з крытычнай функцыяй філязофіі, крытычным патэнцыялам беларускага мысьленьня, а таксама з магчымасьцямі адаптацыі на беларускай глебе разнастайных крытычных дыскурсаў: ад посткаляніялізму і постмарксізму да крытычнай тэорыі, культурнае крытыкі і постмадэрнізму.

Выглядае на тое, што крытычны патэнцыял беларускага мысьленьня (як у форме акадэмічнай філязофіі, так і ў форме крытыкі сучаснасьці) — незапатрабаваны і недапраяўлены. У сувязі з гэтым мы былі б удзячныя, калі б Вы разгорнута адказалі на шэраг пытаньняў часопіса “Фрагмэнты”:

На чым палягае крытычная функцыя філязофіі, крытычнае мысьленьне?

Як вы ацэньваеце сучасны стан беларускай філязофіі і яе патэнцыял для крытыкі сучаснасьці?

Якія першачарговыя тэмы і аб’екты такой філязафічнай крытыкі Вы маглі б вызначыць?

Мы былі б удзячныя атрымаць ад Вас разгорнуты камэнтар да гэтай тэмы, не абавязкова зьвязаны з заяўленымі пытаньнямі.