Прыналежныя прыметнікі.
Адзін зь віду адносных прыметнікаў — прыналежныя. Яны паказваюць, каму належыць прадмет: матулiна варэньне, даччына хустка (але! даччыная фiрма), сабачы пысьняк. Прыналежныя прыметнікі ўтвараюцца ад асноў назоўнікаў; могуць пераходзіць у якасныя й адносныя.
Паўлюкоў дом (м.р.)
Пётраў кампутар (м.р.)
Ясеў брат (м.р.)
Міхасёў калега (м.р.) |
-оў
-аў
-еў
-ёў |
Паўлюкова кватэра (ж.р.)
Пётрава жонка (ж.р.)
Ясева сядзіба (ж.р.)
Міхасёва фірма (ж.р.) |
-ова
-ава
-ева
-ёва |
Паўлюкова дзіця (н.р.)
Пётрава вакно (н.р.)
Ясева бра (н.р.)
Міхасёва аўта (н.р.) |
матчын дар (м.р.)
Валін хрэсьнік (м.р.) |
-ын-
-ін- |
матчына хустка (ж.р.)
Валіна вопратка (ж.р.) |
матчына пісьмо (н.р.)
Валіна дзіця (н.р.) |
Прыналежныя прыметнікі ў назоўным і вінавальным склонах ужываюцца ў кароткай форме: сынава шапка, сынаву шапку. Аднак з адушаўлёнымі назоўнікамі прыналежныя прыметнікі мужчынскага роду ў вінавальным склоне ўжываюцца ў поўнай форме: сынавага сябра.
|