|
|
Тры скланеньні назоўнікаў.
Шэраг назоўнікаў маюць аднолькавыя формы зьмяненьня па склонах. Гэта дало магчымасьць разьдзяліць іх на тры клясы, якія завуцца скланеньнем.
| першае |
жаночага роду з канчаткам на -а, -я |
кватэра, канапа, праца, пральня, лазьня, Галя |
| мужчынскага роду з канчаткам на -а, -я |
бацька, мужчына, дзядуля, сабака, Коля |
| агульнага роду з канчаткам на -а, -я |
судзьдзя, чужаніца, калега, Жэня |
| другое |
мужчынскага роду без канчатку |
дом, стол, прас, ганак, мурог, пляц, падмурак |
| нiякага роду з канчаткам на -а, -о, -е, -ё |
сонца, вакно, поле, жыцьцё, вясельле, паляваньне |
| трэйцяе |
жаночага роду без канчатку |
радасьць, Нарач, Беларусь, ноч, мыш, косьць |
У гэтую табліцу не ўвайшлі такія словы, як: араты, памагаты, паляўнічы, хворы, ваенны, вучоны і падобныя да іх. Гэтыя словы ўтвараюць так званую адасобленую групу назоўнiкаў, якія скланяюцца накшталт прыметнікаў (гл. скланеньне прыметнікаў).
| ! |
Дзiця і іншыя назоўнікі, якія абазначаюць назвы маладых істотаў: кацяня (кацянё), зубраня (зубранё), кураня (куранё) і назоўнікі, што маюць канчатак -мя: імя, племя, стрэмя, уваходзяць у групу рознаскланяльных назоўнiкаў. |
|
